Work Through Time: Cape Breton Stories of Land & Sea

(Ann) Terry MacLellan, [197-].
Unknown. 77-1415-1549. Beaton Institute, Cape Breton University.

Mawi-mkite’tasipnaq e’pitaq Unama’ki, aq elp nekmaq melkuktikek koqoeyek Unama’kikeweyek. Pem-kina’masip, Terry MacLellan, poqji lukwejek “radio aq TV”, tapuiskekipunqekl teli-pkiji-tl-lukwetaq, aq msit wen Unama’ki nenua’tita. Nepkek Nipniku’s 15, 1985ek, Unama’kikewaq mesko’lti’tipna Ann Terryo’q.

Charles aq Bridget MacLellan tapusilisni’k wunjianuaqi’k, Ann Terry teluisis newte’jit. Wkwijl ekina’masisnaq ketapekiemk na’sik Ann Terry nekm mekenkis etlewistumk, Olive Guthrie MacDonald ekina’muasnl ke’sk me’ pem-kina’masijek Holy Angels. Kaqi-kisa’tekes na’te’l 1941ek. Kesatkis naspij mila’simkl mita pitoqsit. Ika’lus mila’sin ji’nmuin aq wette’kis mawi-wl-lukwemkewey mawi amskwes ika’tasikek Unama’kik etliaq eltewistumk aq mila’timk. Ke’sk etl-kina’masijek St. FX, weji-msnkis BA. Mesnkis etlewistumk aq ekiljemk. Poqji-lukwes CJFX-teluisiksip “Terry Aknutmaqnml”. Tujiw naji-lukwes CBC-pipukwaqn-iktuk ekinua’teket ta’n teliaq. Na’te’l eykek poqji-tlui’tusis “Ann Terry” aq na siaw-tl-nenutaq teli-pkiji-tl-lukwet. Tlia’ na etlite’lmup awsami-nutqweyin nikana’tun ekinua’taqn wjit e’pijik, Ann Terry apaja’sis Unama’kik 1954ek naji-lukwatmn “Women’s Morning Program” CJCB mita Betty Brown kaqi-lukwes.

Tetuji wl-nenus wjit ta’n tel-lukwet pipukwaqn-iktuk aq telipisn-iktuk na msit tami wikmus nikana’tu’n koqoey teliaq wutanl. Mi’soqo 1970'sek, elukwatkisnl ekinua’taqnn, amal-aknutmamkl, etl-ankuamkewe’l, ekinua’tekemkl eleke’wijik mittukuti’tij aq elp jijuaqa naspis “Front Page Challenge”.

(Ann) Terry MacLellan, [196-].
Unknown. 97-138-27976. Beaton Institute, Cape Breton University.

Ke’sk maliaptik koqoey kesatk, nikanewistoqsip ekinua’tekemk piley tapsun aq nujo’tkisnl mawpipukwa’timkl wjit Unama’kikewaq ketapekiewinu’k. Aq elp maliaptikisnek “Federation of University Women”, aq Unama’kikewey “Canada Club”, mawi amskwesewa’juis e’pit naspit St. FX.U-board of governors, aq elp pukwelkl Unama’kik mtmo’taqne’l nasa’lusnl. Aq elp e’pijik naspultijik lukwaqney aq natankuaqney mawio’mi mekena’tisnl “Kjikank E’pit wjit newtipunqek”. Aq elp, tel-kinua’lsip ksatmn jijuaqa amal-lukwemk aq kesatkaq mili-ala’timk.

Ann Terryo’q, naqtiksip wtlukwaqn CJCB, Kisikwekewiku’s, 1972ek aji-lukewan Devco, nikana’tun tel-peykwa’simk Unama’kik, welkati’tis ula lukwaqn mita ta’n sa’q tel-lukwet pipukwaqney-iktuk apoqnmaj. Teli-ankaptikis peykwa’simk apoqntmn Unama’kik wejkwa’taqnik aq nemitumk ula telita’sit pukwelkek koqoeyek kis-lukwatkek. Attiknetkek tli-ankaptasin Inverness kelu’k naji al-peykwa’timk keknua’taqn, el’toqsipnl kisite’tkisnl ta’n tett wltes ta’n etli-ktaqama’timkl, eltoql aq tepi’ketoql wi’katiknn ekinua’tekekl ta’n tett welamu’kl naji-al-peykwa’timkl aq ketmoqjenkl etli-ktuknimkl. Tetuji wl-lukwes jel kaqama’lus nikana’tun “Corporate Affairs” 1980ek, aq etl-lukwesnaq na’te’l mi’soqo nepkek 1985ek.

Koqoey ala’to’q Ann Terry, tetuji ksalkun jiksitajik pipukwaqney-iktuk? Natawi aknutkaq aq ta’n pasik koqoey kisa’toq wenik wlsitmnew. Welkisutnataq aq natawitutkaq kwlaman tami ne’a’sij welkaqnik kisa’toq. “Women’s Program”, etl-lukwejek aji knekk ela’toqsip koqoey wesku’tasik. Koqoey e’pijik aq ji’nmuk ketu’ nutmi’tij wesku’tkis, na msit wen welkatl aq nenuatl. Ketloqo tetuji wlmitoqaq jel msit wenl welteskuatl we’tuo’tmlij. Aq melkuktikek tliaqtn koqoey wesku’tk. Kesalatki’k wskwijinuki’k aq amal-aknutma’timk, aq wesku’tkek ta’n koqoey kesatk tel-lukwej. Kise’kaq, na’sik ete’kl tapu’ki’kl koqoe’kl wekaya’litkl - maqeyumk aq emekwa’simk.

Unamàkiewisk Maqitètasit.
Terry's portrait in wool, Les Trois Pignons Cultural Centre..

Mita tetuji ksite’tkek Unama’kiek na weji tl-nenutaq “Maw Mkite’tasit E’pit Unama’ki”. Ann Terry ketloqo sespete’lmatki’k wenki’k aq ta’n teliaq wutank. Me’ kiskuk ta’n teli-sespete’teket pemiaq “Ann Terry Outreach Project” iktuk. Lukowinu’k “Ann Terry Outreach Project” apoqnmua’tiji e’pijik ta’n tel-kwilmi’tij lukwaqn, api’s ta’n atel apat-lukutijik. Ta’n teli-apoqnmua’tijik e’pijik we’jitunew lukwaqnn Unama’kik, siawa’tu’tij ta’n Ann Terry tel-sespete’lmasnik wskwijinu’k aq Unama’ki. Ula napui’kasikewey wjit Terry MacLellan mimajuaqnm weja’tasit Ann Terry Project.

This portrait of Terry MacLellan’s life was provided to us by the Ann Terry Project.

© 2009 Ann Terry Project

 

Download a PDF version of this story. [file size = 384 KB]